اثبتت الدراسات اللتي اجريت من قبل ان الشعر الطويل له مساويء عديده :

اولا :

تستهلك شامبو اسبوعيا اذا هذا كان شعرها ناعم
يعني اذا كان خشن ضم معاهم البلسم وحمام الزيت
يعني تحدد ميزانيه النظافه لشعر زوجتك وحيويته ولمعانه

ثانيا :

تستهلك كميه كبيره من المياه عند غسل شعرها
تقعد تغسل في شعرها بالمويه حوالي ساعتين بالكثير
لحين تخلص المويه الحاره عنك ويمكن تخلص موية البيت كله

ثالثا :

تستهلك كهرباء
تقعد تسشور شعرها مده ما اقل من ساعتين وتسحب من الكهربا ومايحتاج
والعداد يحسب وانت يا مسكين تسدد

رابعا :

في المناسبات والاحتفالات الله يكون في عونك
بتروح الصالون وشعرها طويل يعني لازم تسريحه
والتسريحه اللي بتسويها مو اقل منما يعادل 20 دولار على الاقل

خامسا:

تتعبك نفسيا
يعني اذا جات من عزيمه ووقعت شعره من شعرها يا ويلك ويلاه
تقعد تنووووح اليوم بكبره تقول حسدوووووووووني
وتاخذك وتجرك من شيخ الى شيخ
غير النقود اللي راح تدفعها حق الزيت والمويه المقري عليها

سادسا:

تتعبك جسديا
حتلقى شعرها في كل مكان في صحنك وفي ثوبك
واخرتها بتروح  المستشفى عشان يستخرجون الحصوى اللي بمعدتك
ملاحظه : الحصوه بتكون كومه من شعرها تجمعت في معدتك

سابعا :

تسوي اشتراك سنوي مع احد السباكين
طبعا عشان تفتح المجاري المسدوده بسبب شعر زوجتك المصوون