الذكاء الصناعى Artificial Intelligence
كتبهاماشاء الله بانغ سيدروف ، في 25 سبتمبر 2008 الساعة: 20:10 م
اخراج
ستيفن سبيلبيرج
الفيلم من انتاج سنة 2001
الفيلم بيحكى عن طفل يدعى ديفيد عمره 11 سنة
بيحب امه بقوه بيحب الناس بيحب الحياة , مشاعره حقيقية
لكن هو ليس حقيقيى
فى المستقبل الانسان حيقدر يصنع روبوت مماثل للبشر بيحب و بيكره ,و يتألم
ديفيد حايكون اول روبوت عنده مشاعر حقيقية خصوصا حبه الشديد لأمه
سبيلبيرج حياخدك طول الفيلم و حيوصلك لمرحلة انك تتعاطف مع الروبوت ضد البشر
العائلة اللى بتتبنى-تشترى - ديفيد كبديل عن ابنهم الحقيقى اللى هو فى غيبوبة نتيجة مرض مش معروف بعد شوية بتهجره علشان بيعمل مشاكل مع ابنها الحقيقى اللى بيرجع البيت بعد اكتشاف علاج لمرضه
حياة ديفيد بتتغير 180 درجة بعد رجوع الابن وبيحاول يدور على طريقة يرجع بيها لعائلته
فى رؤية مستقبليلة لقصة بنوكيو
ديفيد الطفل المصنوع بيشعر باحباط و بيقوم برحلة طويلة بيدور على الجنية اللى حتقدر تحوله لولد حقيقى علشان يرجه للعيلة اللى حبها
اكتر مشهد اثر فيا وخلى الدموع نزلت من عينى لما بيلاقى تمثال الجنية بس بيكون غرقان تحت المحيط بيقعد قدامها ويدعى ارجوك ايتها الجنيه حولينى الى طفل حقيقى حتى تحبنى امى
ويعدى 3000 سنة وهوة بيدعى ويختفى البشر وتجى مخلوقات اخرى تستكشف عن حياة البشر
نهايه الفلم حزينة ومؤثره , حتى ذوى القلوب المتحجره سيتاثرون بالفيلم
لا اريد ان اطيل عليكم حتى لا احرمكم متعة المشاهدة
ماعليكم سوى مشاهدته
تحياتى
ـــــــــــــــــــــــــــــــــــــــــــــــــــــــــ
التصنيفات : سينما | السمات:سينما
أرسل الإدراج | دوّن الإدراج
